Ulama Betawi ,Bagai Penyejuk Dikala Terik.

Betawi memang memiliki banyak banget kebudayaan ame seni nyang kaga ade abis-abisnye kalo diceritain.Nah disamping itu juga batewi punya banyak ulama besar dan para mulballigh nyang senantiasa istiqomah dalam berjuang menegakkan agama ALLAH di bumi betawi nyang kite cintai ini.Diantara ulama-ulama besar dibetawi ini nyang kite kenal diantaranya :Adda’iilallah Alhabib Utsman Bin Yahya, Alhabib Ali Bin Abdurrahman Alhabsyi ,Alhabib Ali Bin Husein Alatthos ,Alhabib Salim Bin Jindan, Assyeikh Ahmad Junaidi Albatawi terus masih banyak lagi dah para ulama besar betawi lainnya.

Pade pertengahan abad ke19,Betawi memiliki salah seorang ulama besar beliau adalah Assyeikh Ahmad Junaid Albatawi beliau pernah menjadi Imam di Masjidil Haram, Makkah Al Mukarromah. Nah pade taon 1834 beliau ini berangkat menunaikan ibadah Haji terus selanjutnya beliau menetap disana untuk bermukim.Dan juge ada banyak lagi ulama betawi nyang juge mengajar di Masjidil Haram diantaranye; Guru Mahmud Ramli ,dari Menteng.Salah seorang santri Guru Junaidi juge ada nyang menjadi ulama beliau adalah Guru Mujtaba dari Jatinegara.
Pade jaman penjajahan ,di Betawi juge dikenal seorang ulama besar nyang menjadi rujukanpara ulama.Beliau adalah Alhabib Utsman Bin Yahya, beliau ini seorang Mufti Betawi nyang konsisten mengajarkan sendi-sendi keislaman biarkate harus beradepan ame kompeni nyang pade bengis ntu.Ketegesan sikap beliau juge nular ame para ulama betawi laennya nyang ketika ntu menolak ajakan Ratu Wilhelmina supaye ngedoain putrinye nyang lagi kawinan supaye putrinye bahagia.Idih kalo kite sih amit-amit banget yeh ngedoain bangsa kompeni nyang udeh ngejajah kite berabad-abad.aye setuju banget tuh ame ketegasannya Habib dan para ulama nyang laen.
Alhamdulillah ketika bangsa kite udeh nerdeka nih para ulama Betawi lebih bebas dan mudah dalam ngejalanin peran dakwahnye dan amar ma’ruf nahi munkar, kaga ade lagi dah pengahalangnye kaya bangsa kompeni ntu tuh.Diantara ulama-ulama nyang ade sekarang antara laen ;Buya Hamka, Ustadz A.Hasan, KH Abdullah Syafi’I (pendiri Yayasan As Syafiiyah), KH Muhammad Syafi’I Hadzami, dan masik banyak lagi ulama-ulama laennya. Para ulama ni kaga semuanye berdarah Betawi,seperti Buya Hamka dan ,Ustadz A.Hasan.Namum hal ntu same sekali kagak mengurangi atawa membatasi gerakan dakwah mereka.Para ulama saling bahu-membahu buat merjuangin ame negakin agama ALLAH ini,yaitu islam.
Ntu tadi hanya sedikit aje nyang aye bias tulisin tentang kisah para pejuang agama ALLAH dibumi Betawi ini.Mungkin Cuma segini nyang bise aye certain kerna masih banyak lagi kisah para pendakwah Betawi laennya,yah maklum aye ni bukan sejarawan nyang ahli nyeritain sejarah. Naah ntu juge aye dapetin dari bace buku-buku sejarah Betawi nyang pernah aye bace .Subhanallah kehadiran para ulama ni ibarat kate Angin surge nyang berhumbus dikala terik nye matahari dan ngebawa kesejukkan bagi kite semua.Mereka selalu konsisten membentengi umat dengan aqidah yang teguh.