Siape nyang mau awet mude ?????

Abang ame mpok pasti kepengenkan tiap saat keliatan awet mude, biar kate umur nye udah pade tua ?.
Nah ikutin aje nih tips-tips nyang aye tulis dibawah. Tips ntu aye dapet dari buku nyang pernah aye baca .Ternyata kuncinye ntu cukup dengan ngelakuin kebiasaan nyang bae-bae.

1. Banyakin aje tuh ketawa ame bacanda, karena dengan kite ketawa otot2 nyang ade di wajah akan begerak dan jadi kenceng. Daripada kalo kite murung ntar malah nambahin kerutan di muka kite.
2. Jangan terlalu cemas ame persoalan idup, jalanin aje idup sebae-baenye dan nikmatin secara positif. Idup mah jangan diambil pusing ntar malah jadi stress sendiri.
3. Kejadian nyang udeh berlalu biarin aje, ngapain kite pikirin trus .Nyang ade malah bikin puyeng kepala ame bikin stress.
4. Tidur jangan kemaleman bangun jangan kesiangan, ni jauh lebih sehat dan menguntungkan. Coba aje ente tidur kemaleman pasti besok paginye bangun bakal kesiangan ,ini musti dijauhin sebab kalo bangu kesiangan rejeki keburu di samber ayam dan ini juga kebiasaan buruk.
5. Jangan suka marah-marah, kalo kate orang tua dulu ; orang nyang marah-marah mulu ntu kaga bae, jadi cepet tua trus kaga didemenin ame temen .
6. Berolahraga nyang teratur, berenti ngerokok ame kurangi makanan nyang berlemak.
7. Jauhin kegemukan , karena berat badan nyang kelebihan juga bias ngundang penyakit.
8. Jangan keseringan minum obat-obatan ,kaga bae karena banyak mengandung bahan kimia.Kalo kaga perlu2 amat mendingan ente minum jamu aje kan lebih alami dan kaga mengandung bahan kimia.
9. Rajin-rajin ibadah kepada ALLAH SWT, ente berdoa supaye ente selalu diberi kesehatan .Supaye ente bias ngejalanin aktivitas sehari-hari.
10. Banyakin bershodaqoh ame berbuat bae, kalo kite lagi kelebiahn rejeki lebih bae kita amalin bakal orang2 nyang lagi kesusahan. INSYAALLAH dengan begini ALLAh akan selalu memudahkan segale urusan kite.
Nah ntu tadi tips nyang aye mau unjukin ame para pembaca semua moga aje bermanfaat buat kite semua nye….amien……
.