Makanan nyang bener , bikin badan jadi sehat

Mungkin selame ini kite sering ngerasa badan kite ni kurang sehat.Nah kite harus cari tau nih kenape kite sering sakit, jangan-jangan karena makanan nyang kite makan kurang sehat kali.Makanye disini aye mau bagi-bagi tips ni buat ente semua ,ni tips aye dapet dari buku nyang pernah ane baca dulu.
Nah cara ngedapeti ni semua ntu gampang ,kalo kite mau nurutin tips ini.Dan nyang pasti kite kudu paham betul ni ame kondisi badan kite sendiri, apalagi makannan nyang kite makan sehari-hari.

1. Didalem badan kite nih ade nyang namanye siklus pencernaan, penyerapan, dan pembuangan nyang berbeda intensitasnye masing-masing.Artinye kite kudu tau nih makanan ape aje nyang boleh kite konsumsi bersama atau makanan ape aje nyang kaga serasi kalo digabungin.Ni kudu diperatiin bae2 kan kalo kite sakah makan jadi berabe urusannye , ujung-ujungnye kite bias masuk rumah sakit dan bakal ngeluarin duit nyang kaga sedikit.
2. Jauhin dah tuh makanan olahan atawa makanan nyang berpengawet, kaya sosis ,baso ,ikan kaleng. Mendingan ente banyakin makan sayuran nyang menyehatkan dan buah-buahan nyang mengandung banyak vitamin dan mineral.Trus ame rokok dah ente jauhin sebab rokok Cuma bikin penyakit doang ,kaga ade manfaatnye sedikit pun.Lagian kan kalo kite ngerokok bukan cuma kite doang nyang kena orang laen juga bakal kena dampak nye lantaran mereka juga ngehirup asep rokok kite.
3. Ganti aje tuh cemilan nyang digoreng ame cemilan nyang direbus.Contohnye pisang rebus ,ubi ame singkong rebus.Kalo ente kurang begitu demen ame singkong rebus ,ane punya care tersendiri buat makan singkong rebus supaye rasanye lebih nikmat.Ente cocol aje tuh singkong pake gul putih atawa gula merah nyang cair ame ditemenin secangkir kopi atawa the manis ,wah pasti nikmat banget dah.
4. Banyakin tuh minum aer putih ame jus buah nyang banyak mengandung vitamin trus susunyang rendah lemak.Daripada minum nyang bersoda kan kurang sehat,apalagi minuman nyang beralkohol nyang memabukkan iiikh nauzubillah min dzalik ntu minuman diharamin ame agama karena lebih banyak mudharatnye lagian juga ntu minuman berbahaya kalo dikonsumsi secara terus menerus buat badan kite.
5. Sekali-kali kite lakuin tuh nyang namanye detoksifikasi alias ngebuang racun nyang ade didalem badan kitenyang berpotensi nyebabin penyaki.Rajin-rajin konsultasi ame dokter.